عملائنا الكرام,,
قم بتحميل تحديث تطبيق #بنكك لآخر إصدار واستمتع بجديد المميزات الإضافية:
اهم المميزات
1. التبليغ عن التحاويل الخاطئة.
2. منازعات خدمة سداد الفواتير.
3. المساعدة المتعلقة بخدمات الحوالات الخارجية الواردة وإجراءات الفروع.
4. إعادة تفعيل الخدمات الذاتية لتغيير الجهاز و الرقم السري عن طريق اسئلة الامان بإستخدام الإيميل.
5. إضافة خيار البحث في المعاملات السابقة.
شرح عملية استرجاع المبالغ المحوله بالغلط
اولا عشان تستخدم الميزة الجديدة دي
• اعمل Update للتطبيق
• ادخل على المعاملات السابقة
• اضغط على خانة المعاملة اللي حولتها بالخطأ
• حتلقى تحت في اشعار التحويل خيار
" تحويل بالخطأ" او بالانجليزي " Wrong transfer "
حتضغط على الخيار دا وحتظهر ليك شروط التبليغ ( اقراها اول )
تعمل موافقة وكدا العملية تمت ✅
( كدا انت عملت البلاغ وحتنتتظر تاني عملية استرداد المبلغ في غضون 24 ساعة )
معلومة مهمة : اذا العملية بتاعت التحويل بالخطأ تمت ليها اكتر من 24 ساعة وجيت تعمل تبليغ .. التطبيق حيرفض ليك البلاغ ( في الغالب تاني الا يتم التبليغ عن طريق الفرع )
طيب .. نجي للزول اللي انت حولت ليهو بالخطأ حيحصل معاهو شنو ؟
حيوصل للزول اللي حولت ليهو بالخطأ رسالة في التنبيهات مكتوب عليها " لقد تم استلام تحويل خاطيء على حسابك ، الرجاء الضغط زر التنبيهات لمعرفة تفاصيل المعاملة "
الزول اللي حول بالخطأ حيدخل على التنبيه وبمجرد ما يضغط عليهو حتظهر ليهو نافذة مكتوب عليها " اضغط على خيار ارسال لارجاع المبلغ الى المرسل "
حيضغط على ارسال .. وهووب حينزل ليك المبلغ المحول بالخطأ .. اما اذا عمل نايم في الغالب حيكون عندك خيار البلاغ في الفرع ( بس حنتاكد من الحاجة دي ونعرف اذا ما ارجعت حيحصل شنو ونعدل البوست )
اذا حولها .. حتلقى تفاصيل المعاملة كالعادة نازل ليك سهم اخضر اللي بتعني تحويل اموال ولكن هنا نوع المعاملة حتلقى مكتوب قصادها " تحويل خطأ "
بعد ما العملية دي تتم بنكك حيخصم منك 25 جنيه رسوم استرجاع تحويل مبلغ بالخطأ
او بمعنى اخر بنك الخرطوم بقول ليك ما تدقس تاني عشان ما نشيل منك 25ج تاني 😃
وبس 💁
صراحة دي خطوة ممتازة من بنك الخرطوم والخطوة دي حرفيا دا وقتها ♥️
( سبحان الله كان عملنا اقتراح في 2021 بنفس الطريقة دي وتاقينا بنك الخرطوم على اساس انو دي مناشدة لبنك الخرطوم بقبول الاقتراح .. ف المهم لو هم سمعو كلامنا وعملو الطريقة دي خلي يرسلو لينا عمولتنا 😂)
ولو صادفت العفو والعافية 😅
شكرا بنك الخرطوم ♥️
لتحديث التطبيق قم بفتح متجر قوقل بلي وابحث عن تطبيق بنكك
او يمكنك الصغط في الرابط التالي
https://play.google.com/store/apps/details?id=com.mode.bok.ui
ليست هناك تعليقات:
إرسال تعليق